Plantun de Prouvènço

Pèr coumpara dos planto d'encò nostre

Ranunculus peltatus subsp. peltatus & Vicia bithynica

Grapaudino

Ranunculus peltatus subsp. peltatus

Ranunculaceae

Àutri noum : Nègo-fòu, Tirasseto-d'aigo.

Noms en français : Renoncule peltée, Grenouillette.

Descripcioun :
La grapaudino trachis dins lis aigo tranquilo, li lono e li roubino. Ei lou soulet ranouncle d'aigo que fai dos meno de fueio ; aquéli que soun souto l'aigo fan coume de fiéu (en ventau) alor que li que soun sus l'aigo soun plato (fotò). En Camargo vèn la subsp. proche baudotii qu'a lou cor de la flour mai jaune.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 20 à 200 cm
Fueio : alterno
Tipe bioulougico : Idroufite
Cicle bioulougico : Planto renadivo

Gènre : Ranunculus
Famiho : Ranunculaceae

Ordre : Ranunculales

Coulour de la flour : Blanco Jauno
Petalo : 5
Ø (o loungour) flour : 24 à 30 mm
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Aigo - Ribiero
Estànci : Mesoumediterran à Mountagnard
Couroulougi : Éurasiatico
Ref. sc. : Ranunculus peltatus subsp. peltatus Schrank, 1789

Vesso(-de-Bitinìo)

Vicia bithynica

Fabaceae Leguminosae

Nom en français : Vesce de Bithynie.

Descripcioun :
Aquelo vesso, pulèu grando, porto de flour groupado de uno à tres, di dos coulour (blanco e vióuleto), emé un pecou mai o mens long (1 à 6 cm). Vèn bèn dins li relarg séusous. Li fueio d'en bas an un parèu de fueioun, e mai pèr li fueio d'en aut (2 à 3 parèu emé uno vediho). Li dóusso soun pelouso (de 2,5 à 5 cm). Poudès peréu aluca lis estipulo que dounon d'èr à d'alabardo.

Usanço :
Ramenten qu'èi pas counseia de manja de grano de vesso, que soun empouisounanto e dounon uno malautié néuroulougico, lou latirisme (presènci d'ODAP).